網誌分類：Murmur |
私人
網誌日期：2007-09-30 23:47
------------------------------------------------------------------------------------------報時︰星期日晚上9:44。Daddy﹑媽媽和細妹上了東莞未返。無無聊聊上網遊蕩，看見別人寫100 things about me，心癢癢，想學人寫，所以就寫LU~
1. 對小動物喜愛程度一般，最怕白鴒同魚。
2. 外表斯文，內裡低能，鍾意同細妹跳舞。
3. 大部分卡通都鍾意睇，但絕對不是超人。
4. 善於計劃，但通常都唔會實踐。
5. 最鍾意的書是傲慢與偏見，並有3本在書架。
6. 自從暑假去完美國，一直發夢想住在美國。
7. 大個想做小學或者幼稚園老師。
8. 最鍾意同細妹玩「鬥講得多叮噹GE法寶」，或者「鬥背電影對白」等等白痴遊戲。
9. 覺得Daddy個大肚腩好似水床。
10. 想自己有一間房，但唔鍾意自己一個瞓。
11. 唔玩鬼屋。
12. 最鍾意GE卡通人物係米奇。
13. 最鍾意的作家是Jane Austen。
14. 文科生，最鍾意世史，最怕數學。
15. 最怕舟車勞頓，但其中一個夢想係環遊世界。
16. 成日瞓覺都會發夢，所以朝朝起身都好似無瞓過，因此很討厭發夢。
17. 無聊鍾意上網「遊蕩」，一邊看別人的文章一邊傻笑。
18. 最愛黑朱古力，最唔鍾意白朱古力。
19. 打字又慢又「渣」。
20. 最鍾意藍色，但常常被人誤會鍾意紅色。(買紅色，只係覺得看上眼會較精神)
21. 鍾意儲錢，之後一次過大出血。
22. 覺得地鐵四通八達，係最好GE交通工具。
23. 覺得的士車廂內的「味」好好聞。
24. 考試之後，書桌會變成垃圾岡。
25. 當有好多功課，會覺得好辛苦，但完成之後會覺得自己好叻。
26. 默書小測考試會希望自己攞全班最高分。^^"
27. 會攞細妹d故事書睇，仲要睇到好投入。
28. 玩Mario Game Over時會尖叫。
29. 鍾意上youtube睇叮噹同我們這一家。
30. 覺得屋企樓下個海濱長廊好靚，似the sound of music裡其中一個場面。
31. 細個成日被Daddy打。
32. 會一言9「頂」，為自己GE想法堅持，「辯論」贏左之後又覺得別人講得幾o岩。
33. 心情唔好，鍾意唔講野。
34. 心情好會變低b仔。
35. 鍾意行街睇完唔買。
36. 以前迷哈利波特，宜家麻麻。
37. 認為哈利應該同妙麗一齊。
38. 鍾意睇兒童雜誌。
39. 成日留意自己有冇重到。
40. 覺得自己肥但唔做運動，賴冇時間。
41. 唔鍾意講大話，但好想講。
42. 怕嘈。
43. 鍾意畫畫，但唔識畫。
44. 成日唔記得幫八達通定時增值，而要行路返屋企。
45. 睇劇集，就算係老套情節都好容易喊。
46. 最後悔的事之一係以前打過細妹......
47. 最開心的事之一係同細妹玩。
48. 有時會被媽媽要求幫佢拔白頭髮。
49. 被Daddy責罵GE原因通常係無禮貌或者十問9唔應。
50. 成日都唔識打數目字「7」同「9」。
51. 覺得一生人最光榮GE事係人人都覺得我好乖好斯文。
52. (接上題)覺得最無奈GE事係----其實我唔係其他人想像中咁乖，而且好低b。
53. 會扮小孩聲向媽媽撒嬌。(毛骨悚然......"")
54. 其實我在小學都成日唔記得girl點串。
55. 對自己冇嘜自信。
56. 認同細個拍拖通常都唔會有結果這個理論。
57. 講過粗口，覺得有d後悔，決心以後唔講。
58. 唔鍾意Daddy媽媽買六合彩，因為認為那是想不勞而獲的行為。想捐錢比馬會，不如直接 d，不要以此為藉口。
59. 曾經發夢想做空中小姐，因為可以四維去，但怕自己瞓一間房(酒店)。
60. 覺得媽媽以前未肥有d似宣萱。
61. 覺得Daddy後生企係舊石﹑叉起條腰個幅相好好笑，仲有d白痴。
62. 鍾意背廣告﹑電影對白。
63. 會笑到碌地同肚痛。
64. 細個鍾意睇老夫子，但大個之後覺得它的內容成日重覆，唔好睇。
65. 唔明王澤點解成日畫「耐人尋味」，令我都覺得有點耐人尋味。
66. 後悔二年級個陣冇堅持學琴。
67. 想學好多野︰日文﹑畫畫﹑跳舞﹑空手道等等。
68. 新年時會叫全家寫心願，然後入落個玻璃瓶度，下年倒數時拆。這活動至今維持了3年。
69. 沖完涼唔鍾意自己把衫放入洗衣籃，等細妹沖完幫我放埋。
70. 最鍾意的季節是秋天，因為微風吹過臉蛋很舒服；落葉很漂亮。有種淡淡的失落和淒涼意，很有詩
意。
71. 希望自己可以高d。
72. 相信死左會上天堂。
73. 頭髮現在的長度到腰，想繼續留長，睇下可以去到幾長，然後一剪剪短佢。
74. 唔鍾意戴眼鏡，想到大個時做矯視。
75. 唔鍾意戴眼鏡，但成日係唔夠光GE環境下睇書。
76. 鍾意花花草草，但討厭蚊。
77. 想快到16歲，然後去捐血。
78. 最鍾意GE節日係聖誕節，覺得最無聊GE節日係萬聖節。
79. 最鍾意GE歌係different as night and day，但成日都找唔到全首歌，又唔知係邊個唱。
80. 作文要作偉人通常會寫孫中山。
81. 覺得去同人迫睇煙花係好無聊GE事。
82. 最想去GE地方係歐洲。
83. 如果有機會去外國讀書，我會即刻去。
84. 覺得中國人最大GE美德係刻苦耐勞，最大GE缺點係墨守成規。(整體來說而已)
85. 鍾意唱歌，但唱得唔好聽。
86. 細個曾經好迷小丸子，仲剪左個小丸子頭。
87. 睇親必喊GE卡通係「風雨中的小豆豆」同「義犬報恩」。
88. 覺得周星星最好睇套戲係「唐伯虎點秋香」。
89. 最憎做緊正經事時，周邊d人嘈喧巴閉或許唔認真。
90. 最大的希望是全球暖化這問題消失和世界和平。
91. 最鍾意玩GE電腦Game 係SIMS。
92. 有d想要部NDS。
93. 最鍾意Disney Princese 中的Belle 貝兒。
94. 最後悔買左GE書係 The Princess Diaries，因為覺得一d都唔好睇。(我認為啦)
95. 曾經同媽媽爭吵，想說服媽媽歲月風雲中的馬德鐘是好人，到最後媽媽說︰「你咪宣萱LOR！」
96. 兒時最友好的玩伴是表哥。
97. 成日想坐私家車。
98. 都發過做公主夢。
99. 上次流鼻血是四年級，有點想再試下流鼻血的感覺。(但不要流血不止便行了)
100. 過了兩日假期還未做完功課，未溫好書，卻在打blog，明天因此要繼續留家閉關。
終於打完了～雖然有時想不到寫什麼，但現在仍很想繼續寫下去。其中，第100樣是我寫到一半就很想寫的......
報時︰11:39，共寫了約兩小時。（如果用來做報評肯定完成了，好采明天有假期～）下次有時間再寫多100樣!!
------------------------------------------------------------------------------------------
7年後的我︰
看回2007年的我寫的這100 Facts，覺得自己的思想果然還不過一把手可以拿起來的份兒啊...
7. 大個想做小學或者幼稚園老師。
你就快做到啦小朋友
16. 成日瞓覺都會發夢，所以朝朝起身都好似無瞓過，因此很討厭發夢。
但我現在很喜歡啊...
20. 最鍾意藍色，但常常被人誤會鍾意紅色。(買紅色，只係覺得看上眼會較精神)
我昨天本來就是想寫一樣的字啊...
29. 鍾意上youtube睇叮噹同我們這一家。
跟昨天寫的差不多一樣...
36. 以前迷哈利波特，宜家麻麻
唔係LOR小朋友，你依然好鍾意
15. 最怕舟車勞頓，但其中一個夢想係環遊世界。
不那麼想了
57. 講過粗口，覺得有d後悔，決心以後唔講。
點解唔講啊... 我仍然會講喎... 不過不要用來罵人就好了
68. 新年時會叫全家寫心願，然後入落個玻璃瓶度，下年倒數時拆。這活動至今維持了3年。
仍在做啊
80. 作文要作偉人通常會寫孫中山。
昨天本來也想過寫這個的...
83. 如果有機會去外國讀書，我會即刻去。
15歲的我為什麼會這樣determined呢？果然人長大了有很有顧慮。
87. 睇親必喊GE卡通係「風雨中的小豆豆」同「義犬報恩」。
現在請加上"Toy Story 3"。昨晚才看了，嗚嗚嗚...
90. 最大的希望是全球暖化這問題消失和世界和平。
我永遠的願望啊...
