發夢也在上學

上意大利文堂，個老師播迪士尼卡通(講意大利文)播左大半堂，就落堂喇，佢話自己整左d 泡菜(韓國人？)想請我地食，叫我幫手去佢個位攞。之後同佢傾計，老師問如果兩日後就叫我地背晒d consonants (?)有冇問題。(梗係有問題啦！)但夢裡面嘅我好有禮貌咁話：不如問下全班意見。

之後，落堂個老師話想同我地飲茶，但間茶樓d 粥(？)仲煲緊，飲唔成。但途中見到hamilton 同carman lee , 喺度食同事整嘅壽司(？？？)。

同viann kwo kwo 一齊去上堂(？)，喺大左十倍嘅荃灣廣場跑黎跑去揾world lit 班房(？)。我地仲唔知點解冇著鞋咁搭扶手電梯。又，見到一個女人放狗(白色的)，隻狗對我好熱情，撲埋黎，我好驚。見到表姐夫，佢係：路人。

途中(想問上到world lit 未呢?)，一邊同kwo kwo講番先前隻狗。「我本身都唔係好驚狗。我好鍾龍同我表哥隻狗玩。但頭先隻太熱情...」。一路行，同viann 走失左。我同kwo kwo(你好明顯係呢套戲嘅第二女主角xd )繼續行，途中經過7-11 (world lit 呢？)，kwo kwo同我講話想買雪糕，但我話上完堂先(好學生)。

結果，上world lit 原來要行上山(？！明明只係喺tcw 上！)我手上毛啦啦多左幾本書，仲要愈行愈大本，最後要好似灰姑娘入面隻肥老鼠搬粟米咁搬(有冇人明我up 嘜？)。途中(無錯，仲未上到world lit xd ), 見到一家四口嘅外國家庭觀光緊，個爸爸(重點：帶黑超幾靚仔)見到我揸住咁多書，仲同我地打氣(？)。又見到，一個professor 。佢著牛仔褸咩背包，但重點：佢明明就係第二堂world lit 播片裡面個主持！(逃唔過我法眼)佢一邊笑，一邊問我地係咪要上山上堂(根本就係揶揄我地！)。佢走之前仲話：上山上堂好辛苦喔(現實中gleckman 的話？xd )

見完professor (or 主持？)之後，kwo kwo(終於)幫我手拎一半d 書。再之後，...我就醒左喇xd

結果都係上唔到world lit , 可能因為hamilton 佢根本仲食緊壽司！

後話：我嘗試整理下個夢嘅主題係嘜：環球美食？上課的一天？定㷛係對world lit 嘅內疚轉化為夢境(哈哈哈)？

其實中途仲有好多人，但我唔係太記得...xd