人生第一封辭職信

今天早上終於send 了resignation letter給公司。人生第一封辭職信呀。

上星期五的時候打了電話去quit part time。剛剛掛上電話的時，內心好興奮：以！後！都！唔！使！俾！part time 食！咗！我！嘅！星！期！六！日！同！公！眾！假！期！

但當星期六回到銅鑼灣時，見到同事們，嗚… 又不捨得quit 喇... 同事這關係好奇怪。朋友嗎？稱不上。但好歹一星期七日我們起碼相處兩日，一日九個小時。一齊等agents 蒲頭，一齊瘋狂驗證，一齊狂影印破壞地球生態下世一齊做樹，一齊微笑對付可惡的_____，一齊被agents 放aeroplane，一齊研究點換card 機卷紙，一齊走女廁條永無止境的走廊，一齊經歷過百萬的單要分無限次三萬八碌、碌一個鐘嘅日子，一齊迎接過百萬嘅單可以一次過、五分鐘碌完的新時代(？)，一齊喺office 各自chur reading chur paper 嘅四五月，一齊初四五返工嘅日子，一齊收agents 利是、糖果、端午粽，一齊眼瞓等收工，一齊講brokers 壞話...

我還可以一直寫下去，這個我竟然逗留了一年的地方。三四月時，不斷喊說要quit 要quit ，但為了錢(哈哈)、為了達到自己定下起碼要做一年的目標，我再過了五個月星期六日無得瞓到自然醒之後輕輕鬆鬆食大家樂早餐嘅日子。當然，其實自從前幾個月被安排戍守(？)柯士甸後，每次上班都其實蠻輕鬆的。一日最多十多份單，又可以學收錢。閒著沒事做時，可以和同事一同看戲看running man (痴線的)，或是看reading 寫paper。world eng 個a- 都是在柯士甸辛苦(？)得來的。寫字樓樓下的保安啊姨又好nice , 每次都好親切的叫我的名字，又會問我當日lunch 會吃啥。七月整個月不見她，我還奇怪她是不是離職了，還是身體有事(！)。當我八月整個月沒上班，九月時她見到我時，還細心的告訴我麥當勞搬了位置。每次下班我都會和她bye bye 的... 嗚…辭職後以後都見不到她了。

返銅鑼灣的日子就苦得多(？)。由家走十分鐘到西鐵站；由荃灣西到尖東；由尖東走到尖沙咀；尖沙咀到金鐘，再到銅鑼灣；再再由月台走近五分鐘到a 出口 —— 每次看到更表要返銅鑼灣，未返工已經覺得好攰。當柯士甸十多份單時，銅鑼灣六十多份單就簡直是小菜幾碟。以一份單最快五分鐘來算，六十份單就是說五小時不斷驗驗驗影印影印影印。我還試過一日過百份單的地獄歲月(好自豪，哈哈哈)。以一句總結在時代的日子就是：好慶幸後期成為柯士甸的人。

無論如何，其實這份part-time 已經算十分舒適。起碼我可以在冷氣房坐著，間中還可以做私人工作(重點)，薪水對於一名學生更加算十分十分不錯。工作上見多了陌生人，見識到某些大陸人的雄厚財力，見識到人情世故，學識到耐性的重要(特別當遇到一份甩甩漏漏的application -.-)，學到碌卡(超好玩:D )，學到冷靜地收大額現金，練習到與人相處(雖然我大部分時間是個啞巴)...... 另外，i find that , when one is placed in an entirely new domain of life , it is time for one to rediscover oneself, or say, to once again confirm what kind of person one is. 我發現自己實在稱不上細心，做事有時會很粗疏，記性也不好，常常要問人。我亦實在是個於社交上好笨拙的人，不善交際，只懂對人客客氣氣